چوار چێوەیەکی گشتگیر و یاسایی بۆ بەکار هێنانی زیرەکی دەستکرد لە توێژینەوەی زانستیدا

پانێڵی " چوار چێوەیەکی گشتگیر و یاسایی بۆ بەکار هێنانی زیرکی دەستکرد لە توێژینەوەی زانستیدا " پانێڵێکی هاوبەشە لە نێوان زانکۆی قەیوانی نیودەوڵەتی  و پەیمانگەی تەکنیکی کوردستان کە لە ڕۆژی پێنجشەممە (٢٠٢٤/٦/٦) لەپەیمانگەی تەکنیکی کوردستان  بەڕێوەدەچێت

لە پانێڵەکەدا باس لە پێشکەوتنی خێرای زیرەکی دەستکرد (AI) و بەکارهێنانی لە نوسینی توێژینەوەی زانستیدا دەکرێت. لەم پانێڵەدا چوارچێوەیەکی گشتگیر بۆ بەکارهێنانی بەرپرسیارانەی AI لە زانکۆکاندا دەخرێتەڕوو ، هەروەها جەخت لەسەر بەکارهێنانی لە توێژینەوەی زانستیدا دەکرێتەوە.

بابەتە سەرەکیەکانی گفتوگۆکە بریتی دەبن لە گرنگی یەکخستن و شێوازی بەکارهێنانی زیرەکی دەستکرد، ڕۆڵی هاوکاری و پێداچوونەوەی هاوتا (Peer-Review)، و جێبەجێکردنی پراکتیکی زیرەکی دەستکرد لە توێژینەوەدا. ئەم باسانە تێڕوانینێکی بەنرخ دەدەن سەبارەت بەوەی کە چۆن دەتوانرێت زیرەکی دەستکرد بە شێوەیەکی بەرپرسیارانە و کاریگەرانە لە لێکۆڵینەوە زانستییەکاندا بەکاربهێنرێت بۆ پێشخستنی هەردوو ستانداردی شەفافیەت و یاسایی لە توێژینەوە زانستیەکاندا.

بەڕێوبەری پانێڵ : د. زانا عزیز کاکەڕەش ( دکتۆرا لە ئەندازیاری کۆمپیوتەر )

پانێڵیست :  د. ڕێبوار ملا نبی ( پسپۆڕ لە بواری زیرەکی دەستکرد )

پانێڵیست :  د. سەرکار حسن ئەحمەد ( دکتۆرا لە بەرەوپێشبردنی ئاسایشی IoT)

پانێڵیست :  د. دیاری عبدالخالق حسن ( دکتۆرا لە ئەندازیاری کۆمپیوتەر )


شوێن: هۆڵی کۆنفرانسی شێخ فاخر شێخ طیب قەیوانی ، پەیمانگەی تەکنیکی کوردستان، بەرزاییەکانی سلێمانی